Բաց հասարակության հիմնադրամներ–Հայաստանը, սկսելով գործունեությունը 1997 թվականին, ավելի քան 53 միլիոն ԱՄՆ դոլարի ծրագրային աջակցություն է ցուցաբերել Հայաստանին: 2018 թվականին Հայաստանում սկիզբ առած և ցայսօր շարունակվող լրջագույն քաղաքական անցմանը զուգընթաց՝ Հիմնադրամը հավատարիմ է մնում այն արժեքներին, որոնցով առաջնորդվել է ավելի քան 20 տարի՝ արդարություն, հաշվետվողականություն և թափանցիկություն:
Լեռնային Ղարաբաղում պատերազմի և Ադրբեջանի և Թուրքիայի պարտադրած տնտեսական շրջափակման հետևանքով Հայաստանը 1997 թվականին հայտնվել էր մեկուսացման և աղքատության մեջ: Երկիրը շարունակում էր համակերպվել խորհրդային շրջանի սոցիալական պաշտպանության համակարգի փլուզման հետ: Այդ կառույցներից շատերը Հայաստանում ֆինանսավորման և բարեփոխման կարիք ունեին:
Բաց հասարակության հիմնադրամներ–Հայաստանն արձագանքեց իրավիճակին՝ դպրոցներին, համալսարաններին, գրադարաններին և առողջապահական հաստատություններին տրամադրելով անհրաժեշտ սարքավորումներ, տեխնոլոգիաներ և փորձագիտական օգնություն: Շահառուներից կարելի է առանձնացնել Հայաստանի ազգային գրադարանը և Մեսրոպ Մաշտոցի անվան հին ձեռագրերի գիտահետազոտական ինստիտուտը՝ Մատենադարանը, որը ձեռագրերի և պատմական մատյանների հնագույն և հարստագույն պահոցներից է աշխարհում:
Այդ ժամանակներից ի վեր Հիմնադրամն աջակցել է քաղաքացիական հասարակության տարբեր խմբերի, այդ թվում՝ հետաքննող լրատվամիջոցներին, իրավապաշտպաններին, ընտրությունները և պետական ծախսերը մշտադիտարկող կազմակերպություններին, ինչպես նաև բռնության ենթարկված կանանց ապաստարաններին:
9 ՓԱՍՏ ԲԱՑ ՀԱՍԱՐԱԿՈՒԹՅԱՆ ՀԻՄՆԱԴՐԱՄՆԵՐ-ՀԱՅԱՍՏԱՆԻ ՄԱՍԻՆ
- 2000-2005 թվականներին Հիմնադրամն աջակցել է Հայաստանի գրադարանների ավտոմատացման ծրագրերին: Հիմնադրամի դրամաշնորհով Հայաստանում ստեղծվել է գրադարանների ավտոմատացված բազմատարածական համակարգ և ընդհանուր կատալոգ, որը ներառում է հայաստանյան 10 հիմնական գրադարանները և պարունակում է ավելի քան 1 միլիոն 200 հազար մատենագրական նմուշ:
- 2008 թ.-ին համաշխարհային ֆինանսական ճգնաժամին հաջորդած իրավիճակում հիմնադրամն օգնել է տնտեսական ծանր կացության մեջ հայտնված ավելի քան 65000 հայաստանցի ընտանիքներին, որոնց տրամադրվել է տաք կերակուր, տնային ջեռուցում, տրանսպորտի և առողջապահական ծառայություններ: Հակաճգնաժամային այս մեծ ծրագիրն իրականացնելու համար հիմնադրամը 2.2 միլիոն ԱՄՆ դոլար է հատկացրել և դոնորներից լրացուցիչ 2.5 միլիոն ԱՄՆ դոլար հավաքագրել ` աջակցելով շուրջ 60 տարբեր նախագծերի:
- Հիմնադրամի նախաձեռնությամբ Հայաստանում ներդրվել է հոգեկան առողջության խնդիրներ ունեցող անձանց խնամքի և սոցիալական սպասարկման այլընտրանքային ծառայություններ: Հիմնադրամն աջակցել է հոգեկան առողջության համայնքահեն կառույցներին՝ այդ թվում Սպիտակի խնամքի տան ծրագրին:
- Հիմնադրամն աջակցել է նոր դասընթացների և ուսումնական ծրագրերի մշակմանը՝ օգնելով Հայաստանի համալսարաններին բարելավել առարկայական և մասնագիտական ծրագրերը: 2012 թվականից Հիմնադրամն աջակցել է բարձրագույն կրթության ոլորտում հաշվետվողականության մեխանիզմների ստեղծմանը և մշտադիտարկել է կրթական բարեփոխումների իրագործման ընթացքն ամբողջ երկրում:
- Հարգելով անբուժելի հիվանդություններով ապրող խնամառուների արժանապատվությունը՝ Հիմնադրամն աշխատել է Հայաստանի Հանրապետության առողջապահության նախարարության հետ՝ ստեղծելու ամոքիչ (պալիատիվ) խնամքի ազգային չափորոշիչներ և ֆինանսավորելով կյանքի վերջին օրերն ապրող անձանց խնամքի գծով մասնագիտացող նոր կադրերի վերապատրաստումը:
- Հիմնադրամը 1.5 միլիոն ԱՄՆ դոլար է տրամադրել աջակցելու կանանց իրավունքներով զբաղվող կազմակերպությունների աշխատանքը, մասնավորապես՝ ընտանեկան բռնությունից տուժած անձանց տրամադրվող հրատապ ծառայությունները:
- Հիմնադրամը 1997 թվականից ի վեր շուրջ 5 միլիոն ԱՄՆ դոլարի աջակցություն է ցուցաբերել Հայաստանում անկախ լրատվամիջոցների կայացմանը:
- Քաղաքացիների մասնակցայնությունը խթանելու ուղղությամբ Հիմնադրամի իրականացրած աշխատանքները ներառել են օգնություն տեղական խմբերին՝ պաշտպանելու խաղաղ հավաքների և արտահայտվելու ազատության իրավունքները, ինչպես նաև տեղեկատվության ազատության մասին օրենսդրության կիրառմամբ՝ դիտարկելու հանրային ծառայությունների մատուցումը:
- Հիմնադրամն աջակցել է Հայաստանի բանտերում, ոստիկանության պահման խցերում, հոգեբուժական հաստատություններում և տարեցների խնամքի տներում պայմանների համակարգված մշտադիտարկմանը և բարելավմանը:
Download
-
Բաց Հասարակության Հիմնադրամների Հայաստանյան գրասենյակը (110.18 Kb pdf file)
Download this information as a fact sheet in Armenian.
Read more
Fact sheet
The Open Society Foundations in Kazakhstan
The Soros Foundation–Kazakhstan works to ensure transparency and accountability of public finances, to advance interest of marginalized groups, and to build capacity of young policy experts.
Fact sheet
The Open Society Foundations in Kyrgyzstan
The Soros Foundation–Kyrgyzstan was established in 1993, soon after Kyrgyzstan emerged as an independent state from the collapse of the Soviet Union.